Azərbaycan, Bakı, 26 may / Trend , müxbir E.İsmayılov /
"Azərbaycan Nəqliyyat Nazirliyi (NN) 2009-cu ilin sonu, 2010-cu ilin əvvəlində Bakının ilk dairəvi yolunu istifadəyə verməyi planlaşdırır", - çərşənbə axşamı nazirliyin mətbuat xidmətinin rəhbəri Namiq Həsənov deyib.
"Bu yol iriyüklü maşınların şəhərə daxil olmasına imkan verməyəcək. Yolun bu ilin sonu, gələn ilin əvvəlində istifadəyə verilməsi planlaşdırılır", - Həsənov deyib.
"Yeni dairəvi yolun ümumi uzunluğu 21,5 kilometrdir. Sərmayələrin ümumi həcmi 80 milyon dollardır. Yol Bakı-Rusiya sərhədinin altıncı kilometrliyində başlayır, Bakı-Gürcüstan sərhədi yolunun 22-ci kilometrində bitir", - nazirlikdə işlərə yaxın mənbə məlumat verib.
Həmçinin hazırda Nəqliyyat Nazirliyi artıq ikinci dairəvi yolun, xüsusilə də onun Xocəsən-Lökbatan hissəsinin tikintisi çərçivəsində işlərə başlayıb. Xocəsən-Lökbatan yolunun uzunluğu 11 km olacaq və o, birinci dairəvi yola birləşəcək. Yolun bu hissəsinin tikintisini yerli "Texnikaservis" şirkəti aparır.
İkinci dairəvi yolun tikintisi layihəsi yeni yolun Lökbatan, Xocəsən, Biləcəri, Novxanı, Məhəmmədi, Pirşağı, Maştağa, Hövsan ərazisindən sahil boyu keçməsini nəzərdə tutur. Yeni yolun ümumi uzunluğu 58-60 kilometr olacaq. Yol ikitərəfli və dördzolaqlı olacaq. Dairəvi yolda onlarla körpü və yol kəsişmələrinin tikintisi planlaşdırılır.
Məqalə müəllifi ilə əlaqə ünvanı: [email protected]
