Azərbaycan, Bakı, 29 may / Trend , müx. V.Javoronkova /
ABŞ Azərbaycanın Ümumdünya Ticarət Təşkilatına (ÜTT) daxil olmasını dəstəkləməyə hazırdır, cümə günü ABŞ-ın Azərbaycandakı səfirliyinin ictimai əlaqələr üzrə şöbəsinin rəhbəri Terri Devidson "Tələbələr azad sahibkarlıqda" - beynəlxalq tələbə proqramının açılışında bildirib.
"ABŞ Azərbaycanın ÜTT-yə daxil olmasını irəli atılmış vacib addım kimi qiymətləndirir", Devidson deyib.
"ABŞ təşkilatın tövsiyəsi əsasında Azərbaycanda keçirilən islahatları dəstəkləməyə hazırdır", - o bəyan edib.
Azərbaycan 1997-ci ildən ÜTT-yə daxil olmaq məqsədi ilə müraiət edib. Bu istiqamətdə intensiv fəaliyyət 2004-cü ildən başlanıb, təşkilat və DTT üzv ölkələri ilə danışıqlar hələ də davam etdirilir.
"Son illərdə Azərbaycanda əhəmiyyətli iqtisadi artım müşahidə olunur", - o bildirib. "Ölkənin energetika resursları xarici tərəfdaşlar ilə birlikdə beynəlxalq bazara çıxarılması məqsədi ilə işlənilir", - Devidson deyib.
Lakin onun sözlərinə görə, Azərbaycanın əsas sərvəti enerji resursları deyil. "Azərbaycanın həqiqi sərvəti təhsilli və məqsədyönlü gəncləridir", - Devidson bildirib.
Məqalə müəllifi ilə əlaqə: [email protected]