Azərbaycan, Bakı, 29 may / Trend , müxbir N.İsmayılova /
"Moody's beynəlxalq reytinq agentliyi Azərbaycan Beynəlxalq Bankının (ABB) yerli valyutadakı ümumi depozit - Vaa 2 və subordinə edilmiş borcun xarici valyutadakı - Vaa 3 reytinqinə, aşağı salınma ehtimalı ilə yenidən baxır", - agentliyin məlumatında deyilir.
İcmal həmçinin Azərbaycanın bank sisteminə dəstək imkanı, bu dəstəyə ehtiyacın olub-olmadığını və onun davam edən qlobal böhran şəraitində dəyişilmə xüsusiyyətlərini nəzərdən keçirəcək.
Agentliyin baxacağı faktorlara bank sisteminin dövlət resurslarına nüsbətən ölçüsü, bank sistemində gərginlik səviyyəsi, bank sisteminin dövlət valyuta resurslarına nisbətdə xarici valyutadakı öhdəlikləri daxildir.
Azərbaycan banklarının məcmu xarici borcları 2 milyard dollardır. Onların təxminən yarısı bu il ödəniləcək. Bu borcun böyük hissəsi, ölkənin ən böyük bankı kimi ABB-nin payına düşür.
Moody's-in məlumatında deyilir ki, bu icmal ABB-nin borc və depozit reytinqinin bir bənddən çox aşağı düşməsinə gətirməyəcək. İcmalın bir neçə həftə ərzində başa çatması gözlənilir.
Məqalə müəllifi ilə əlaqə ünvanı: [email protected]