Azərbaycan, Bakı, 17 iyun / Trend , müxbir N.İsmayılova /
Qiymətli Kağızlar üzrə Dövlət Komitəsi (QKDK) çərşənbə axşamı Rabitəbank-ın adlı sənədsiz səhmlərinin emissiyasını qeydiyyatdan keçirib, komitənin məlumatında deyilir.
Məlumatda bildirilir ki, hər birinin 20 manat dəyəri olan 75 min adlı sənədsiz səhm qeydiyyatdan keçib. Emissiyanın həcmi 1,5 milyon manat təşkil edir.
Mayın 1-nə bankın yekun kapitalı 12,04 milyon manat, apreldə isə 14,7 milyon manat təşkil edib. Bankın nizamnamə kapitalı 8,5 milyon manatdır.
İyunun 17-nə olan rəsmi məzənnə 0,8039 AZN/USD təşkil edir.
Məqalə müəllifi ilə əlaqə ünvanı: [email protected]