Azərbaycan, Bakı, 17 iyul / Trend , müxbir N.İsmayılova /
Əmrahbank İslam İnkişaf Bankı qrupuna daxil olan İslam Ticarət Maliyyə Korporasiyası ilə avqustun sonu-sentyabrın əvvəlində kredit xəttinin cəlb olunması üzrə danışıqları tamamlayacaq, bu barədə cümə axşamı bankdan bildirilib.
"Kreditin dəqiq məbləği hələ ki, məlum deyil, lakin ilkin danışıqların nəticələrinə əsasən, onun beş milyon dollar təşkil edəcəyi ehtimal olunur", -bankdan bildirilib.
ITFC-dan alınan vəsait istehlakçı kreditləşməsi, kiçik və orta biznesin inkişafı və bankın biznesinin inkişafına yönələcək. Vəsait üç-dörd il müddətinə cəlb ediləcək ki, bu da kredit sövdələşməsi çərçivəsində dəqiqləşdiriləcək, bankdan bildirilib.
Əmrahbank-ın Bəhreyndə Beynəlxalq İnvestisiya Bankındakı 49 faiz səhmlərin əldə olunmasından sonra qurulan strateji tərəfdaşlıq bankın fəaliyyətinin bir sıra sahələrində, korporativ idarəetmə, beynəlxalq əməkdaşlıq, məhsul və xidmətlərin keyfiyyəti kimi sahələrdə baş verən müsbət dəyişikliklərdə əhəmiyyətli rol aynayıb.
2009-cu il aprelin 1-də Əmrahbank-ın aktivləri 61,442 milyon manat, depozit portfeli 31,142 milyon manat, kredit portfeli 39,552 milyon manat, müştərək kapitalı 22,552 milyon manat, nizamnamə kapitalı 12,821 milyon manat təşkil edib.
Hazırda respublikada bankın 22 filialı, 12 bankomatı və 45 POS terminalı fəaliyyət göstərir.
İyulun 16-na olan rəsmi məzənnə 0,8042 AZN/USD təşkil edir.
Məqalə müəllifi ilə əlaqə ünvanı: [email protected]
