Azərbaycan, Bakı, 01 avqust / Trend /
Kran, betonqarışdırma, qazma, aerokosmik, həmçinin nəqliyyat texnikasının satışı ilə məşğul olan böyük alman şirkəti "Liebherr"-in nümayəndəliyi Azərbaycanda qeydiyyatdan keçib. Bu barədə Azərbaycanın Vergilər Nazirliyinin rəsmi saytının "vahid pəncərə" bölməsində bildirilir. Nümayəndəlik "Liebherr-Azeri Llc" MMC adı altında qeydiyyatdan keçib.
Şirkət məişət texnikasının, dəzgahların, mədənçıxarma və yükboşaltma texnikası, həmçinin təməl tikintisi üçün maşınların satışı ilə məşğul olur.
Şirkət iyul ayında 1000 manat nizamnamə kapitalı ilə qeydiyyatdan keçib. Şirkətin rəsmi nümayəndəsi Almaniya vətəndaşı Volfhanq Remlingerdir.
