Azərbaycan, Bakı, 25 sentyabr / Trend , müxbir N.İsmayılova /
Azərbaycan Milli Bankı 2010-cu ilin yanvar ayından etibarən prudensial hesabatların qəbul edilməsinə keçəcək. Bu barədə AMB-nin kredit təşkilatlarının fəaliyyətinə nəzarət departamentinin direktoru Rəşad Orucov cümə günü deyib.
"Oktyabr ayından banklar paralel olaraq yeni və köhnə prudensial hesabat təqdim edəcəklər, gələn ilin əvvəlindən isə biz yeni hesabatın qəbul edilməsinə keçəcəyik", - Orucov deyib.
Yeni hesabatın bütün tələbləri "Bazel-2"-də nəzərdən keçirilir.
"Bazel-2" standartları risklərin qiymətləndirilməsinin və kapitalın hesablanmasının inkişaf etmiş xüsusi metodudur. Aİ və iri dövlətlər hər il "Bazel-2" standartlarına tam keçid etmirlər. Çünki onlar makroprudensial göstəriciləri qiymətləndirir və görürlər ki, bu standartlara birbaşa keçid maliyyə xidmətlərinin səviyyəsinə təsir edə bilər. Bu da öz növbəsində iqtisadi inkişafı zəiflədəcək real sektorun maliyyə xidmətlərinin azalmasına gətirib çıxara bilər.
Məqalə müəllifi ilə əlaqə ünvanı: [email protected]
