Azərbaycan, Bakı, 01 oktyabr / Trend , müxbir İ.Xəlilova/
Azərbaycan daxili investisiyalara əsaslanan iqtisadi inkişafın üçüncü mərhələsinə qədəm qoyub. Bu barədə cümə axşamı Bakı Banklararası Valyuta Birjasının idarə başçısı Fərhad Əmirbəyov bildirib.
"İqtisadiyyatda sözügedən sıçrayış yüksək kapitallaşdırılmış bank sistemi və inkişaf etmiş maliyyə sistemi olmadan mümkün ola bilməz", - Əmirbəyov deyib.
Ölkə iqtisadiyyatı inkişafının birinci mərhələsi xarici investisiyaların daxil olması hesabına həyata keçirilir, ikinci mərhələ isə dövlət investisiyalarına əsaslanıb.
"Düşünürəm ki, inkişafın üçüncü mərhələsinə nail olmaq üçün transformasiya qaçılmazdır, lakin sözügedən prosesin gücləndirilməsi də tələb olunur. Bunun üçün bank sistemi və birja sahəsinin konsentrasiyası artıq təkmilləşib", - o bildirib.
Onun fikrincə, artıq bank aktivlərinin və kapitallarının konsolidasiyasının vaxtı gəlib çatıb, belə ki, bank sisteminin kapitallaşmasına ehtiyac var.
"Mərkəzi bankın normativləri üzrə minimal tələblər və bankların kapitallaşması ilə bağlı real vəziyyət bir dəfə, ola bilsin ki, 10 dəfə də fərqlənməlidir. 100 milyon manat və daha yüksək kapitallı banklar, ölkədəki 2-3 milyard manat həcmində pul bazarları, beş milyard manat həcmində fond bazarı - iqtisadiyyata xeyir gətirən bunlardır", - Əmirbəyov deyib.
Mərkəzi Bankın bankların kapitalına olan minimum tələbləri 10 milyon manat təşkil edir. Hazırda ölkədə mövcud olan 46 bankdan 41-nin məcmu kapitalı 10 milyon manatı ötür. Bank bazarının kapitalizasiyasının ümumi həcmi sentyabrın 1-də 1,92 milyard manat təşkil edib.
Sentyabrın 1-də ölkənin bank sisteminin aktivləri 10,6 milyard manat təşkil edir.
Oktyabrın 1-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]
