Azərbaycan, Bakı, 20 oktyabr / Trend , müxbir Ü.İsmayılova/
Azərbaycanda yanvar-sentyabr aylarında 246 müəssisə ləvğ olunub, 4187 yeni müəssisə yaradılıb. Bu barədə çərşənbə axşamı Dövlət Statistika Komitəsindən məlumat verilib.
Ləvğ edilmiş müəssisələrdən 22,8 faizi rabitə və informasiya sahəsindəki müəssisələrin payına, 12,6 faizi topdan və pərakəndə satış və avtomobil təmiri sahəsində, 85 faiz istehsalat, 7,7 faiz tikinti sektoru, 7,3 faiz nəqliyyat sahəsi, 6,9 faiz elektrik enerjisi və başqa sahələrdəki müəssisələrin payına düşür.
Yeni yaradılan müəssisələrin ümumi sayından 24,3 faizi topdan və pərakəndə satış və avtomobil təmiri sahəsinin, 13,9 faiz tikinti sahəsinin, 5,8 faiz peşəkar, elmi-texniki fəaliyyət sahəsinin, 5,4 faiz administrativ işlər sahəsinin, 4,4 faiz istehsalat sahəsinin, 4,2 faiz kənd təsərrüfatı sahəsinin payına düşür.
Doqquz ay ərzində qeydiyyata alınmış yeni müəssisələrdən 85,8 faizi özəl sektorun, 3,8 faizi dövlət mülkiyyətinin, 8,2 faizi 100 faizli xarici investisiyaların və 2,5 faizi birgə müəssisələrin payına düşür. Xarici və birgə şirkətlər Türkiyə, Böyük Britaniya, Rusiya, ABŞ, İran və Almaniya sahibkarları tərəfindən yaradılıb.
2009-cu ilin əvvəlindəki vəziyyətə görə, ölkədə hüquqi şəxslərin sayı oktyabrın 1-i ilə müqayisədə 4,8 faiz artaraq 89 960 müəssisə olub. Qeydiyyata alınmış müəssisələrdən 55,1 faizi Bakıda, 13 faizi Aran iqtisadi rayoniunda yerləşib. Bu il yaradılan müəssisələrdən 64,2 faizi Bakıda, 12,2 faizi Aranda, 5,6 faizi Abşeronda, 5,1 faizi isə Qazax-Gəncə iqtisadi rayonunda yerləşib.
Məqalə müəllifi ilə əlaqə ünvanı: [email protected]
