Gürcüstan, Tbilisi, 4 yanvar / Trend , müxbir N.Kirtsxalia/
Kommersiya banklarının kredit verilişinin həcmi və qeyri-rezident kreditləri də daxil olmaqla 1 dekabr 2009-cu il vəziyyətinə əsasən 5,2 milyard lari təşkil edib (1 dollar = 1,68 lari).
Gürcüstan Milli Bankından Trend -a bildirildiyi kimi, 2009-cu ilin noyabr ayının sonuna qədər kommersiya bankları hüquqi şəxslərə milli valyuta ilə 508,4 milyon lari (1,9 faiz yaxud 86 milyon lari az), xarici valyuta ilə isə 2,4 milyard lari (0,5 faiz yaxud 11,5 milyon lari az) kredit verib.
Hüquqi şəxslərə verilmiş təcili kreditlərin ümumi həcminin böyük hisəsi, yəni 46,2 faizi ticarət sahəsinə düşür. Oktyabrla müqaisədə dekabrda verilmiş kreditlərin həcmi demək olar ki, dəyişilməz qalıb - 1,3 milyard lari təşkil edib.
Kreditləşmənin ümumi həcminin 22 faizini hüquqi şəxslərin sənayesinə verilmiş təcili kreditlər təşkil edib. 2009-cu ilin dekabrında bu göstərici 639,5 milyon lari təşkil edib ki, bu da ötən ayla müqaisədə 3,6 faiz çoxdur. Lakin 10,7 faiz tikintinin payına düşüb ki, bu da 310,8 milyon lari, yaxud 6,5 faiz azdır.
Hüquqi şəxslərin kreditləşməsinin ümumi həcminin 78,9 faizi üç sahənin: ticarət, sənaye və tikinti sahələrinin payına düşüb.
Hesabat dövründə fiziki şəxslərin kreditləşməsi 1,3 faiz azalıb və 2009-cu ilin dekabrında bu məbləğ 2 milyard lari təşkil edib.
