Azərbaycan, Bakı, 25 noyabr / Trend , müxbir Ü.İsmayılova/
Azərbaycan Lizinq Şirkətləri Assosiasiyası (ALCA) üzv siyahısına daha üç şirkət əlavə etməyi planlaşdırır. Bu barədə bazar ertəsi assosiasiyadan deyilib.
"Bu gün assosiasiyada 8 lizinq şirkəti təmsil olunur", - assosiasiyadan deyilib.
Mənbənin sözlərinə görə, yaxın zamanlarda Standard Leasing, Ansar Leasing və Parex Leasing&Factoring şirkətlərinin üzvlüyə daxil edilməsi məsələsi həllini tapacaq.
Həmin lizinq şirkətlərinin üzlüyə qəbul edilməsi barədə qərarın birinci rüb ərzində qəbul ediləcəyi gözlənilir.
Assosiasiyadan onu da bildiriblər ki, hazırda daha bir lizinq - Azərbaycanın lizinq bazarında fəaliyyət göstərən Pakistan Leasing şirkəti ilə danışıqlara başlamaq üçün hazırlıq işləri gedir.
Ata Leasing, AG Leasing, Qafqaz Leasing, Joint Leasing, Uni Leasing, CredAgro, Banf of Baku, DəmirBank hazırda Azərbaycan Lizinq Şirkətləri Assosiasiyasının üzvləridir. ALCA üzvləri hər il 2,2 min manat həcmində ödəmə həyata keçirir. Assosiasiya 2004-cü il dekabrın 27-də Ata Leasing, Uni Leasing və Mugan Leasing şirkətləri tərəfindən təsis edilib.
