Azərbaycan, Bakı, 24 fevral / Trend , müxbir E.İsmayılov/
Dünən iki vaqonu relsdən çıxmış Yalama-Bakı sərnişin elektrik qatarı artıq təyinat məntəqəsinə çatdırılıb. Bu barədə "Azərbaycan dəmir yolları" QSC-nin mətbuat xidmətinin rəhbəri Nadir Əzməmmədov məlumat verib.
"Bütün problemlər dərhal aradan qaldırılıb. Qatar artıq Bakıya gəlib", - Əzməmmədov bildirib.
Onun sözlərinə görə, belə hadisələr bəzən baş verir və bu, böyük problem deyil. "Belə problemlər ən qısa zamanda aradan qaldırılır", - Əzməmmədov vurğulayıb. Vaqonlar relsdən çıxarkən çevrilməyib.
Vaqonların relsdən çıxması çərşənbə axşamı Bakı vaxtı ilə saat 19.00-a yaxın Yalama stansiyasının yaxınlığında (Azərbaycanın şimal regionu) çarxlarda yaranmış problemlə əlaqədar baş verib.