Azərbaycan, Bakı, 1 mart / Trend , müxbir İ.Xəlilova/
Azərbaycan Nazirlər Kabinetinin qərarı ilə iri vergiödəyiciləri tərəfindən 2010-cu il üçün gəlirlərin və xərclərin icrası üzrə monitorinqin keçirilməsi qrafiki müəyyən edilib. Bu barədə bazar ertəsi hökumətdən məlumat verilib.
Qrafikə əsasən birinci rübdə büdcənin icrasına nəzarət üzrə monitorinqin apreldə "AzAL" QSC-də, mayda "Azərsu" SC və "Azərenerji" QSC-də keçirilməsi planlaşdırılır.
Birinci yarımilin yekunlarına görə, araşdırmalar iyulda "Bakielektrikşəbəkə", sentyabrda Dövlət Xəzər Dəniz Gəmiçiliyində keçiriləcək.
Digər iri vergiödəyicilərində monitorinq doqquz ayın yekunlarına əsasən keçiriləcək. Belə ki, monitorinqlər oktyabrda Rabitə və İnformasiya Texnologiyaları Nazirliyində, Bakı metropolitenində, noyabrda ARDNŞ-də (Azərbaycan Respublikası Dövlət Neft Şirkəti) və Azərbaycan Dəmir Yolunda, dekabrda "Azərkimya" Dövlət Şirkətində keçiriləcək.