Azərbaycan, Bakı, 19 mart / Trend /
Yanvar ayında Azərbaycana 3,2 mindən çox minik avtomobili idxal edilib ki, bu da ötən ilin analoji dövr göstəricisindən 36,6 faiz azdır. Bu barədə Dövlət Statistika Komitəsinin məlumatında deyilir.
Komitənin məlumatına əsasən, yanvar ayında ölkəyə gətirilən minik avtomobillərinin ümumi dəyəri 27,6 milyon dollara yaxın təşkil edib ki, bu da 2009-cu ilin birinci yarısındakı göstəricidən 19,8 faiz azdır.
Azərbaycana yanvar ayında 351 ədəd yük avtomobili idxal edilib ki, bu da 2009-cu ilin analoji dövründəki göstəricidən 68,3 faiz azdır. Gətirilən avtomobillərin ümumi dəyəri 12,1 milyon dollardan çox təşkil edib ki, bu da ötən ilin analoji dövründəki göstəricidən 35,1 faiz aşağıdır.
Yanvar-oktyabr aylarında respublikaya 99 avtobus idxal olunub. Bu, 2009-cu ilin yanvar göstəricisindən 5,3 faiz çoxdur. Yanvarda 4,8 milyon dollardan çox dəyərdə avtobus idxal edilib ki, bu da ötən ilin yanvar ayındakı göstəricidən 20,5 faiz azdır.
