Azərbaycan, Bakı, 16 aprel /Trend, müxbir Ü.İsmayılova/
Azərbaycanda aprelin 1-nə olan göstəriciyə əsasən, əhalinin iqtisadi fəal hissəsinin sayı 4 333,7 min nəfər təşkil edir, onlardan 4 073,8 min nəfəri ölkənin müxtəlif iqtisadi və sosial sahələrində fəaliyyətə cəlb olunublar. Bu barədə Azərbaycan Dövlər Statistika Komitəsindən cümə günü məlumat verilib.
Muzdla işləyən şəxslərin sayı birinci rübdə 1376,1 min nəfər - dövlət sektorunda 832,5 min nəfər, özəl sektorda isə 480,3 min nəfər təşkil edib.
Muzdla işləyənlərin ümumi sayının 19,3 faizi istehsal sahəsində, 2,6 faizi hasilat sənayesi, 5,7 faiz emal sahəsinə, 2,2 faiz elektrik enerjisi, qaz, 1,6 faiz su təchizatı, çirkab suları və tullantıların təmizlənməsi, 4,4 faizi tikinti, 2,8 faizi isə kənd, meşə və balıq təsərrüfatı sahələrində fəaliyyətə cəlb olunub.
Xidmət sahələrində 26,2 faiz təhsil sahəsində çalışır, 20,2 faiz topdan və pərakəndə satış, avtomobil təmiri, məişət məhsulları istehsalında, 10,1 faiz səhiyyə və sosial sahədə, 5,6 faiz nəqliyyat, rabitə, anbar təsərrüfatı, 4,1 faiz dövlət idarələri və mühafizə, icbari sosial təminat, 4 faiz əyləncə, incəsənət, istirahət sahələrində, 3,1 faiz elmi və texniki fəaliyyət, 1,8 faiz rabitə və informasiya, 1,5 faiz isə maliyyə, sığorta və digər sahələrdə işləyir.
Aprelin 1-nə rəsmi olaraq işsiz statusu alan şəxslərin sayı 40,8 min nəfər təşkil edir ki, onların da 43,7 faizi qadındır. Azərbaycanda bir vakant yerə 5 nəfər iddia edir. Azərbaycanda işsizlərə verilən maddi yardım 165,8 manat təşkil edir.
Aprelin 16-na olan rəsmi məzənnə 0,8035 AZN/USD təşkil edir.