...

Azərbaycanda birinci Bakı dairəvi yolunun tikintisi yekunlaşır

Biznes və iqtisadiyyat xəbərləri Materials 12 İyun 2010 13:46 (UTC +04:00)
Birinci Bakı dairəvi yolunun tikintisi çərçivəsində görülən işlərin həcmi 80 faizi keçib.Bu haqda Azərbaycan Nəqliyyat Nazirliyinin şənbə günü yayılan məlumatında deyilir.

Azərbaycan, Bakı, 12 iyun /Trend, E.İsmayılov/

Birinci Bakı dairəvi yolunun tikintisi çərçivəsində görülən işlərin həcmi 80 faizi keçib.Bu haqda Azərbaycan Nəqliyyat Nazirliyinin şənbə günü yayılan məlumatında deyilir.

Yolun tikilməsi ölkənin cənubundan və qərbindən hərəkət edən avtonəqliyyat vasitələrinə paytaxta daxil olmadan öz hərəkətlərini şimal istiqamətində davam etdirməyə imkan verəcək.

Məlumatda deyildiyi kimi, altızolaqlı yol üç sahədən ibarət olacaq. Yolun ümumi uzunluğu 21,5 km-dir.

Azərbaycan Nəqliyyat Nazirliyi yanında "Azəryolservis" SC-nin başçısı Cavid Qurbanovun dediyinə görə, dairəvi yolun bu ilin avqust ayında istismara verilməsi planlaşdırılır.

1 nömrəli Bakı dairəvi yolunun tikintisi Türkiyə - Küveyt müştərək konsorsiumu olan "Mak-Yol-Kopri" tərəfindən həyata keçirilir. Müqavilə 51 milyon dollar dəyərində qiymətləndirilir. Yolun ümumi qiyməti isə 59 milyon dollardır.

Xəbər lenti

Xəbər lenti