Аzərbaycan, Bakı, 10 iyul /Trend, müxbir Ü.İsmayılova/
Azərbaycanın Qiymətli Kağızlar üzrə Dövlət Komitəsi "Qafqaz-Lizinq" ASC-nin adi adlı sənədsiz səhmlərinin emissiyasını qeydə alıb, - Qiymətli Kağızlar üzrə Dövlət Komitəsindən verilən məlumatda deyilir.
Dövlət Komitəsi nominal dəyəri 1 000 manat olan 1 500 səhm emissiyasını qeydə alıb.
"Şirkətin səhmləri bağlı qoyuluş metodu ilə yerləşdiriləcək", - məlumatda deyilir.
"Qafqaz-Lizinq" ASC 2007-ci ilin oktyabr ayında təsis olunub. Şirkətin 100 faizli təsisatçısı "NAB" Şirkətlər Qrupu hesab olunur. Şirkətin xidmətləri avtomobil sahəsi, eləcə də tikinti, ərzaq, toxuculuq sahəsi, turizm, kənd təsərrüfatı, neft-kimya və digər sahələri əhatə edir.