Azərbaycan, Bakı, 11 avqust /Trend, müxbir N.İsmayılova/
2010-cu ilin birinci yarısında Azərbaycan Mərkəzi Bankı valyutaların 598,5 milyon dollar məbləğində sterilləşdirilməsini aparıb. Ötən ilin birinci yarısında isə satışa istiqamətlənən müdaxilə həyata keçirilib. Bu barədə Mərkəzi Bankın pul siyasəti üzrə çərşənbə günü açıqlanan hesabatında deyilir.
"Cari ilin birinci yarısında Mərkəzi Bank öz siyasi kursunu valyuta bazarında təklif kanallarının genişləndirilməsi şəraitində həyata keçirib", - hesabatda qeyd olunur.
Ötən ilin müvafiq dövrü ilə müqayisədə xarici valyutaya tələbat azalıb ki, bu da ölkəyə banklar tərəfindən gətirilən nağd pulların və əhaliyə satılan nağd valyutanın həcmində özünü göstərir. Beləliklə, hesabat dövründə 2009-cu ilin müvafiq dövrü ilə müqayisədə ölkəyə gətirilən xarici valyutanın və valyuta mübadiləsi üzrə əməliyyatların həcmi müvafiq olaraq 18 və 21,3 faiz azalıb.
2010-cu ilin yanvar-iyununda manatın dollara nisbəti yalnız 0,04 faiz ucuzlaşıb.
İlin birinci yarısında manatın nominal effektiv məzənnəsi (NEK) Azərbaycanın bəzi ticarət tərəfdaş ölkələrin valyutalarına nisbətdə möhkəmlənib və digər ölkələrin valyutalarına nisbətdə ucuzlaşıb. Manatın nominal effektiv məzənnəsinin dinamikası real effektiv məzənnənin dəyişməsinə də təsir göstərib.
Hesabat dövründə manat digər ölkələrin (Ukrayna, Qazaxıstan) valyutalarına nisbətdə həm nominal, həm də real şəkildə ucuzlaşıb. Manat İran valyutasına nisbətdə nominallığında möhkəmlənib, reallığında isə ucuzlaşıb.
Ötən il neft sektoru üzrə nominal effektiv məzənnə ümumi mal dövriyyəsində 5,9 fazi artıb ki, bu da inflyasiyanın səviyyəsinin azalmasına təsir göstərib. Tərəfdaş ölkələrdə inflyasiya nominal effektiv məzənnənin 0,8 faiz azalmasına səbəb olub. Neft sektoru üzrə nominal effektiv məzənnə və real effektiv məzənnə, müvafiq olaraq, 3,8 faiz və 4,9 faiz bahalaşıb.
Xarici ticarətdə real effektiv məzənnənin artmasına ABŞ, Böyük Britaniya, Aİ, Yaponiya, İsrail və Çinin təsiri 13,4 faiz səviyyədə olub. Türkiyə, Rusiya, Gürcüstan, İran, Ukrayna, Qazaxıstan, Belarus real effektiv məzənnənin artmasına 1,2 faiz təsir göstərib.
