Azərbaycan, Bakı, 22 sentyabr /Trend, müxbir А.Axundov/
Azərbaycan Dövlət Şəhərsalma və Arxitektura Komitəsi tikintidə normalaşdırma, standartlaşdırma və sertifikatlaşdırma üzrə Dövlətlərarası Elmi-Texniki Komissiyasının qəbul etdiyi "Metropolitenlər" dövlətlərarası normativ sənədinin ölkə ərazisində qüvvəyə minməsi barədə qərar qəbul edib. Bu barədə çərşənbə günü Dövlət Komitəsindən verilən məlumatda deyilir.
Sentyabrın 16-da komitənin qəbul etdiyi qərara əsasən, oktyabrın 1-dən ölkə ərazisində dövlətlərarası tikinti normativi - МСН 3.03-04-2005 "Metropolitenlər" fəaliyyət göstərəcək.