Azərbaycan, Bakı, 1 oktyabr /Trend, müxbir N.İsmayılova/
Sentyabrın sonuna olan məlumatlara görə, Azərbaycanda 371 013 pensiyaçı yaşlı insandır ki, onların 221 978 nəfəri qadındır. Bu barədə cümə günü Dövlət Sosial Müdafiə Fondundan verilən məlumatda deyilir.
Oktyabrın 1-i - Beynəlxalq Ahıllar Günüdür. Bu gün 1992-ci ildə BMT Baş Assambleyasının qərarı əsasında təyin olunub.
"Azərbaycanda yaşlı insanlara həmişə xüsusi diqqət və qayğı göstərilir. 2001-ci il iyunun 22-də Azərbaycanın Ümummilli Lideri Heydər Əliyev "Yaşlılara sosial yardım haqqında" qanun imzaladı ki, buna əsasən, 70 yaşına çatmış Azərbaycan vətəndaşları, həmçinin, daim ölkədə yaşayan, lakin vətəndaşlığı olmayan əcnəbilər yaşlı hesab olunur", - məlumatda deyilir.
Bu gün ölkədə 70-80 yaşında 284 533, 80-90 yaşında 77 079, 90 və daha yuxarı yaşda 9 401 yaşlı pensiyaçı var.
İyulun 1-nə olan məlumata əsasən, Azərbaycanda pensiyaçıların sayı 1 291 139 nəfər təşkil edir.