Azərbaycan, Bakı, 20 oktyabr /Trend/
Azərbaycanın Nazirlər Kabineti Bakı Metropolitenindən istifadə qaydalarını təsdiqləyib. Bu barədə Nazirlər Kabinetinin rəsmi İnternet-saytında yerləşdirilmiş bu ilin 19 oktyabr tarixli qərarında deyilir.
Nazirlər Kabinetinin qərarı metropolitendən istifadə keyfiyyətinin artırılması, eləcə də sərnişinlərin təhlükəsizliyinin təmin olunması məqsədilə qəbul edilib.
Yeni qaydalarda yüklərin daşınması, eskalatorlardan istifadə, sərnişinlərin hüquqları və metropolitenə girərkən tətbiq olunan qaydalar öz əksini tapıb.