Gürcüstan, Tbilisi, 12 noyabr /Trend, müxbir N.Kirsxaliya/
Gürcüstanda İrlandiya biznes şurasının nümayəndəliyi işə başlayacaq. Bu barədə cümə günü İrlandiyanın Gürcüstandakı konsulu Uilyam Maykl Makkarti məlumat verib. Təşkilatın Tbilisidə ofislə fəaliyyəti Cənubi Qafqazın hər üç ölkəsinə yayılacaq.
Onun sözlərinə görə, İrlandiya biznes şurası nümayəndəliyindən əvvəl Gücüstanda İrlandiya konsulluğu açılıb. Şuranın ölkədə fəaliyyəti İrlandiya investorlarının cəlb olunması, onların hüquqlarının müdafiəsi və investorların faydalı məlumatlarla təmin edilməsinə yönəldiləcək.
Biznes şuranın nümayəndəliyi İrlandiya biznesinin Gürcüstana daxil olması üçün "tramplin" olacaq.