Özbəkistan, Daşkənd, 17 noyabr /Trend, müxbir D.Əzizov/
Özbəkistanda 2010-cu ilin yanvar-sentyabr aylarında yükdaşımaların həcmi ötən ilin analoji dövrü ilə müqayisədə 11,5 faiz, yəni 869,3 milyon tonadək artıb. Yük dövriyyəsi isə 2,9 faiz, yəni 55,4 milyard ton-kilometrə qədər azalıb. Bu barədə Özbəkistan Dövlət Statistika Komitəsi məlumat verib.
Eyni zamanda, avtomobil nəqliyyatı ilə 787,9 milyon ton (yükdaşımaların ümumi həcminin 90,6 faizi) yük daşınıb ki, bu da 2009-cu ilin yanvar-sentyabrındakı göstəricidən 12,9 faiz çoxdur. Avtomobil nəqliyyatında yük dövriyyəsi 5,6 faiz artaraq 17,5 milyard ton-kilometr təşkil edib.
Cari ilin doqquz ayının yekunları üzrə dəmiryol nəqliyyatı ilə yükdaşımalar 4,4 faiz, yəni 42,7 milyon tonadək (4,9 faiz), yük dövriyyəsi isə 0,5 faiz, yəni 16,5 milyard ton-kilometrə qədər təşkil edib.
Statistika departamentinin məlumatına görə, boru kəmərləri nəqliyyatında daşımaların həcmi 4,9 faiz, yəni 38,7 milyon tonadək (4,5 faiz) azalıb, bu zaman magistral boru kəmərlərində yük dövriyyəsi 11,4 faiz azalaraq 21,3 milyard ton-kilometr təşkil edib.
Hava nəqliyyatı ilə yüklərin göndərilməsi 21,7 min ton (0,001 faiz) azalıb ki, bu da ötən ilin analoji dövr göstəricisini 99,1 faiz üstələyir. Yük dövriyyəsi 85,3 faiz, yəni 127,1 milyard ton-kilometrədək artıb.
İlin əvvəlində bütün nəqliyyat növlərində sərnişin daşımaları 6,5 faiz artaraq 4,408 milyard təşkil edib. Sərnişin dövriyyəsi 9,3 faiz, yəni 55,72 milyard sərnişin-kilometrədək artıb.
Ən çox sayda sərnişin, yəni 4,326 milyard və ya 98,1 faiz avtomobil nəqliyyatı ilə daşınıb. Bununla yanaşı, nəqliyyatın bu növü üzrə sərnişindaşımaların həcmi 6,9 faiz, sərnişin dövriyyəsi isə 8,7 faiz (48,85 milyard sərnişin-kilometrədək) artıb.
Sərnişinlərin dəmiryol nəqliyyatı ilə yola salınması 3,4 faiz artaraq 11 milyon nəfər təşkil edib, sərnişin dövriyyəsi 12,1 faiz, yəni 2,16 milyard sərnişin artıb.
Hava nəqliyyatı ilə 1,457 milyon nəfər daşınıb ki, bu da bir il bundan əvvəl qeydə alınandan 25,5 faiz çoxdur. Sərnişin dövriyyəsi 4,27 milyon sərnişin, yəni 17,6 faizdən çox təşkil edib.
