Azərbaycan, Bakı, 17 noyabr /Trend, müxbir A.Axundov/
Noyabrın 1-nə olan məlumata görə, Azərbaycanda payız-çöl işləri gedişində 714,1 min hektar torpaq şumlanıb ki, bu da ötən ilin analoji dövr göstəricisindən 11,3 faiz çoxdur. Bu barədə Azərbaycan Dövlət Statistika Komitəsi məlumat verib.
Səpin işləri 341,7 min hektar ərazidə həyata keçirilib. Bu zaman 204,2 min hektar ərazidə buğda, 128,6 min hektarda arpa, 8,9 min hektar ərazidə yaşıl yem əkilib.
Ümumilikdə ötən ilin analoji dövrü ilə müqayisədə buğda əkini 9,3 faiz azalıb. Buğda ötən ikldəkindən 14,7 faiz az, arpa isə 0,8 faiz çox səpilib.
İlin doqquz ayı ərzində ölkəyə 254,5 ton və 256,4 min litr pestisidlər və 1970,4 ton aqrokimyəvi maddələr gətirilib.
Hazırda Azərbaycanın kənd təsərrüfatında 300-dək pestisid, bioloji preparat və aqrokimyəvi maddələrdən istifadə olunur.
Yanvar-sentyabrda kənd təsərrüfatı məhsulları istehsalçılarına 57,3 min ton ammonyak duzu, 653 ton superfosfat və 1,9 min ton nitroammofosklar satılıb.
İlin doqquz ayı ərzində "Aqrolizinq" dövlət lizinq şirkətinin xətti ilə 316 traktor, beş traktor yedəyi, 214 taxılyığan kombayn, 130 otçalan maşın, 103 səpin aqreqatı və digər kənd təsərrüfatı texnikası satılıb və lizinqə verilib.
