Qazaxıstan, Astana, 17 noyabr /Trend, müxbir A.Maratov/
Gələcəkdə Uzen-Türkmənistan dövlət sərhədi dəmiryolu ilə yük və sərnişin qatarları hərəkət edəcək. Bu barədə jurnalistlərə Qazaxıstanın nəqliyyat və kommunikasiya naziri Abelqazı Kusainov Astanada mətbuat konfransında jurnalistlərə bildirib.
"Mütləq iki qatar gün ərzində bu istiqamətdə hərəkət edəcək", - Kusainov deyib.
Uzen-Türkmənistan dövlət sərhədi dəmiryolunun inşasına bu il başlanıb. "Bu gün praktik olaraq bütün 146 km-ə yol döşənib, bütün suburaxıcı borular çəkilib və rels-şpal şəbəkəsinin yarısı salınıb. Daha doğrusu, faktiki ollaraq heç bir şübhə yoxdur ki, biz müəyyən olunmuş vaxtda qatarlara öz ərazimizdən yol verəcəyik", - nazir bildirib.
Uzen-Türkmənistan dövlət sərhədi dəmiryol xətti Qazaxıstan, Türkmənistan və İranın eyni vaxtda həyata keçirdiyi "Uzen-Kızılkiya-Bərəkət-Etrek-Qorqan" layihəsinin bir hissəsidir.
Qazaxıstan nəqliyyat nazirinin məlumatına görə, dəmiryol xəttinin yarısından çoxunun çəkildiyi Türkmənistanda da layihə üzrə paralel işlər aparılır.
"İran tərəfi 60 kilometrdir. Orada artıq layihənin texniki-iqtisadi əsaslandırılması işlənib hazırlanıb. Onlar yaxın vaxtlarda bizim sinxron olaraq bu layihəni 2011-ci ilin sonunadək başa çatdırmağımız üçün işə başlamalıdırlar, - Kusainov bildirib. - Layihənin başa çatması ilə biz yüklərimizi birbaşa olaraq Fars körfəzi regionuna çatdırmaq imkanı əldə edəcəyik".