Azərbaycan, Bakı, 29 dekabr /Trend/
Azərbaycanın Tarif Şurasının qərarına əsasən, "Bakı- Naxçıvan" və "Naxçıvan- Bakı" istiqaməti üzrə aviabiletlərin dəyəri 95 manatdan 70 manatadək ucuzlaşdırılıb. Bu barədə İqtisadi İnkişaf Nazirliyinin çərşənbə günü yaydığı məlumatda deyilir. Yeni tariflər 2011-ci il yanvarın 1-dən qüvvəyə minəcək.
Məlumatda deyildiyi kimi, biletin dəyərinin 20 manatını dövlət ödəyəcək. Odur ki, yanvarın 1-dən bu məbləğ 50 manat təşkil edəcək.
Bu qərar Tarif Şurasının dekabrın 29-da keçirilən iclasında qəbul edilib.
Dekabrın 29-na rəsmi məzənnə 0,7983 AZN/USD təşkil edir.