Azərbaycan, Bakı, 30 aprel /Trend, müxbir N.İsmayılova/
Martda Azərbaycanda gəlirlə işləyən bankların sayı fevral ilə müqayisədə 3 bank, 2010-cu ilin mart ayı ilə müqayisədə isə 1 bank artaraq 34 ədəd olub. Bu barədə şənbə günü Azərbaycan Mərkəzi Bankından məlumat verilib.
Aprelin 1-nə olan vəziyyətə görə, bank sisteminin [34 bank] ümumi gəlirləri 48,57 milyon manat təşkil edib. Bu isə fevral ayının müvafiq göstəricisindən 71,1 faiz artıb, ötən ilin anoloji dövrü ilə müqayisədə 15,4 fazi azalıb.
Zərərlə işləyən bankların sayı fevrala nisbətən və illik hesablamada 3 bank azalıb. Nəticədə 10 bankın zərəri 10,99 milyon manat təşkil edib ki, bu da ötən ilin fevralına olan göstəricidən 7,1 faiz çoxdur və illik hesablamada 43 faiz azdır.
Ölkənin bank sisteminin yekun gəliri 37,58 milyon manat təşkil edib.
Bankların fəaliyyətinin maliyyə nəticələri (vergilərin ödənilməsindən sonra) milyon manatla:
|
Dövrlər |
Gəlirlə işləyən bankların sayı |
Bank sisteminin ümumi gəliri (gəlirli banklar üzrə) |
Ziyanla işləyən bankların sayı |
Bank sisteminin ümumi zərəri (zərərlə işləyən banklar üzrə) |
Yekun gəlir (+) və ya zərər (-) |
|
01-04-2009 |
37 |
87,07 |
9 |
7,41 |
79,66 |
|
01-04-2010 |
33 |
57,39 |
13 |
19,3 |
38,09 |
|
01-04-2011 |
34 |
48,57 |
10 |
10,99 |
37,58 |
Aprelin 30-na olan rəsmi məzənnə 0,7916 AZN/USD təşkil edir.
