Bakı. Trend:
Amerikalı hərbçilər Suriyadakı həbsxanalardan İŞİD terror qruplaşmasının təxminən 5700 üzvünün İraqa köçürülməsi əməliyyatını başa çatdırıblar.
Trend xarici KİV-ə istinadən xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTKOM) məlumat yayıb.
Məlumata görə, proses fevralın 12-də yekunlaşıb.
“23 günlük daşınma əməliyyatı yanvarın 21-də başlayıb və ABŞ qüvvələri tərəfindən Suriyadakı həbs yerlərindən 5700-dən çox İŞİD döyüşçüsünün İraqa uğurlu şəkildə köçürülməsi ilə başa çatıb”, – deyə komandanlığın açıqlamasında bildirilir.
Daha əvvəl CENTKOM ABŞ qüvvələrinin Suriya ərazisində saxlanılan İŞİD tərəfdarlarının İraqa daşınmasına başladığını açıqlamışdı. Komandanlıqdan qeyd olunub ki, İraq ərazisinə göndəriləcək döyüşçülərin sayı 7 min nəfərə çata bilər.