Azərbaycan, Bakı, 4 may /Trend/
Türkiyənin inşaat şirkətləri 2010-cu ildə İranda bina tikintisi sahəsində ümumi məbləği 1,11 milyard dollar olan layihələr icra ediblər. Bu barədə Trend İranın FARS xəbər agentliyinə istinadən məlumat verir.
Məlumata əsasən, Türkiyə şirkətləri 2010-cu ildə dünyanın 48 ölkəsində 20,3 milyard dollar dəyərində müqavilələr imzalayıblar. Türkiyə şirkətlərinin ən çox fəaliyyət göstərdiyi ölkə Türkmənistandır. Bu ölkədə ötən il 4,5 milyard dollar dəyərində müqavilələr imzalanıb. Türkiyənin inşaat şirkətləri 2010-cu ildə Liviyada 2,46 milyard dollar, İraqda 1,19 milyard dollar və Rusiyada 1,70 milyard dollar dəyərində layihələr həyata keçiriblər.
