Azərbaycan, Bakı, 11 may /Trend, müxbir A.Axundov/
"Başak-İnam Sığorta Şirkəti" ASC 2011-ci ilin 4 ayının nəticələrinə görə 1,086 milyon manat sığorta haqqı toplayıb, 0,36 milyon manat sığorta ödənişi həyata keçirib. Bu barədə Trend-ə çərşənbə günü şirkətdən məlumat verilib.
Ötən ilin eyni dövrü ilə müqayisədə sığorta haqqlarında 42 faiz, sığorta ödənişlərində isə 35 faiz artım olub.
Sığorta haqqlarının artımı kasko (avtonəqliyyatın sığortası) (4,5 faiz), elektron cihaz sığortası (10,2 faiz), şüşə sınması (40 faiz), fərdi qəza və xəstəlik sığortası (160 faiz), sağlamlıq sığortası (84 faiz) və s. növlərdə olub.
Sığorta ödənişlərindəki artım isə kasko (62 faiz), nəqliyyat vasitəsi sahiblərinin mülki məsuliyyəti sığortası (24 dəfə), şüşə sınması (25 faiz), sağlamlıq sığortası (47 faiz), fərdi qəza və xəstəlik sığortası (100 faiz) üzrə verilmiş ödənişlər nətcəsində qeydə alınıb.
Ümumilikdə sığorta ödənişlərinin sığorta hqqlarına nisbəti 33 faiz təşkil edib.
"Başak-İnam Sığorta Şirkəti" ASC 1996-cı ildən ölkənin sığorta bazarında fəaliyyət göstərir.
Mayın 11-nə rəsmi məzənnə 0,7911 AZN/USD təşkil edir.
