Azərbaycan, Bakı, 26 may /Trend, müxbir İ.Xəlilova/
Azərbaycan Mərkəzi Bankının (AMB) köhnə pul əsginazlarının dəyişdirilməsi üçün 1 və 5 manat nominalında ehtiyatda kifayət qədər banknotu var. Bu barədə cümə axşamı jurnalistlərə AMB idarə heyəti sədrinin birinci müavini Alim Quliyev deyib.
"Biz vaxtında sifarişlər etmişik və dövriyyədən çıxarılan köhnə banknotlar dövlət komissiyası tərəfindən məhv edilib. dövriyyədən çıxarılan əsginazların əvəzinə yeni pulları dövriyyəyə buraxmaq üçün ehtiyatda kifayət qədər əsginazımız var. Dövriyyədən çıxarılan əsginazların əvəzinə yeni pulları dövriyyəyə buraxmaq üçün ehtiyatda kifayət qədər əsginazımız var", - Quliyev bildirib.
Onun sözlərinə görə, təmiz pul siyasəti çərçivəsində bank sektorunda toplaşan gələcək istifadəyə yararsız pul əsginazları Mərkəzi Banka verilir.
Nağd pullar konsepsiyası çərçivəsində müxtəlif nominallı banknotların dizaynı və istehsalı üzərində iş gedir.
"Hazırda nominalı 100 manatdan yuxarı banknotların buraxılması ilə bağlı ideyamız var. Bu fikirlər tədricən tətbiq ediləcək", - AMB sədrinin müavini deyib.
AMB-nin keçirdiyi valyutanın dominasiyası nəticəsində [2007-ci ildə qiymətlərin yeni miqyasına tam keçid olub] köhnə kağız pulların yeniləri ilə tam əvəzlənməsi 2006-cı il dekabrın 31-dək başa çatıb. 2007-ci ildən Azərbaycanda ödəniş vasitəsi kimi yalnız yeni kağız pullardan istifadə edilir. Bu, ticarət və iqtisadi subyektlərdə dövriyyədən dərhal 19 nominalın tədavülü ilə əlaqədar yarana biləcək mümkün çətinliklərin qarşısını alıb.
Yeni miqyaslı pulların sifarişinin ümumi həcmi 3 illik ehtiyat nəzərə alınmaqla, 1,7 milyard manat təşkil edir. Pulların ümumi həcminin 94 faizini banknotlar (1, 5, 10, 20, 50 və 100 manat) və 6 faizini dəmir pullar (1,3,5,10,20 və 50 qəpik) təşkil edir.
Pul əsginzalarının istismar müddəti 3-5 il, dəmir pulların 20 il təşkil edir. Hazırda əsas yük 1 və 5 manatlıq banknotlar üzərinə düşür. Onların dövriyyə müddəti 1,5-2 ildir, belə ki, onlardan daha çox istifadə edildiyinə görə, tez deformasiyaya uğrayır. Buna görə onların yükünün və xərclərinin azaldılması üçün AMB tərəfindən vaxtilə onların dəmir pullarla əvəzlənməsi məsələsinə baxılıb.
Mayın 26-na olan rəsmi məzənnə 0,7896 AZN/USD təşkil edir.
