...

İl ərzində Azərbaycan banklarında əhalinin əmanətləri 36 faiz artıb

Biznes və iqtisadiyyat xəbərləri Materials 8 İyun 2011 17:12 (UTC +04:00)

Azərbaycan, Bakı, 8 iyun/ Trend, müxbir İ.Xəlilova /

2011-ci ilin aprelində Azərbaycan banklarının depozit bazası 0,96 faiz artıb, ilin əvvəlindən isə artım 2,5 faiz olub. Bu barədə Azərbaycan Mərkəzi Bankının (AMB) məlumatında deyilir. İl ərzində depozitlərin artımı 21,1 faiz təşkil edib.

Mayın 1-nə olan vəziyyətə görə, bank depozitlərinin, hüquqi və fiziki şəxslərin əmanətlərinin ümumi həcmi aprelin 1-nə olan 5532,3 milyon manata nisbətdə 5585,4 milyon manat təşkil edib. İlin əvvəlində isə bu göstərici 5448,8 milyon manat olub. Ümumi portfeldən 2575,9 milyon manat (46,1 faiz) milli valyutada depozitlərin payına, 3009,5 milyon manat isə (53,9 faiz ) xarici valyutadakı depozitlərin payına düşüb.

Aprel ayı ərzində fiziki şəxslərin əmanətləri 2,1 faiz artıb, hüquqi şəxslərin depozitlərinin həcmi isə 0,027 faiz azalıb. İlin əvvəli ilə müqayisədə fərdi müştərilərin depozitləri 10,85 faiz artıb, korporativ müştərilərin depozitləri isə 7,9 faiz azalıb. Ötən ilin analoji dövrü ilə müqayisədə əhalinin əmanətlərinin artımı 35,7 faiz, hüquqi şəxslərin depozitlərində artım 4,1 faiz təşkil edib.

Mayın 1-nə fiziki şəxslərin ölkənin banklarındakı əmanətlərinin həcmi 3358,7 milyon manat təşkil edib. Bu göstərici aprelin əvvəlinə 3289,1 milyon manat, 2011-cu il yanvarın 1-nə isə 3029,8 milyon manat olub.

Hüquqi şəxslərin depozitlərinin həcmi 2226,7 milyon manat təşkil edib. Bu göstərici müvafiq olaraq 2243,2 milyon manat və 2419 milyon manat təşkil edib.

Mayın 8-nə olan rəsmi məzənnə 0,7887 AZN/USD təşkil edir.

Xəbər lenti

Xəbər lenti