Azərbaycan, Bakı, 10 oktyabr /Trend, müxbir E.İsmayılov/
Noyabrda TRACECA (Avropa-Qafqaz-Asiya) nəqliyyat dəhlizinin hökumətlərarası komissiyasının IX konfransında sədrliyin Moldovadan Rumıniyaya keçəcək. Bu barədə Trend-ə bazar ertəsi TRACECA-nın Azərbaycandan olan milli katibi Akif Mustafayev məlumat verib.
Onun sözlərinə görə, hökumətlərarası komissiyanın növbəti konfransı noyabrın 24-25-də Buxarestdə keçiriləcək.
"Konfransda il ərzində görülən işlər müzakirə ediləcək, eləcə də növbəti ildə görüləcək işlərin planı müəyyən olunacaq. İclasda sədrlik Moldovadan Rumıniyaya veriləcək", - Mustafayev bildirib.
TRACECA Aİ və Şərqi Avropa, Cənubi Qafqaz və Mərkəzi Asiyada onun tərədaş ölkələri arasında nəqliyyat sahəsində beynəlxalq əməkdaşlıq proqramıdır. Təşkilatın Bakıda daimi katibliyi var.
Hazırda TRACECA-nın iştirakçı dövlətləri Azərbaycan, Bolqarıstan, Gürcüstan, Qazaxıstan, Qırğızıstan, Ermənistan, Moldova, Rumıniya, Tacikistan, Türkmənistan, Türkiyə, Ukrayna və İrandır.