Azərbaycan, Bakı, 24 aprel /Trend, müxbir E.İsmayılov /
Azərbaycan Sahibkarlar (İşəgötürənlər) Təşkilatları Milli Konfederasiyası və Koreya Sənaye Avadanlıqları İstehsalçıları Assosiasiyası (KOPIA) çərşənbə axşamı Bakıda keçirilən I Azərbaycan-Koreya sənaye forumu çərçivəsində Anlaşma Memorandumu imzalayıblar.
Memorandumu Konfederasiyanın sədri Məmməd Musayev və KOPIA-nin prezidenti Sunq Ok Li imzalayıb.
Musayevin forumun açılışı zamanı dediyi kimi, memorandumun müddəalarının reallaşdırılması üçün Əməkdaşlıq Şurasının yaradılması lazımdır.
O bildirib ki, bu Şura çərçivəsində tərəflər fəal əməkdaşlıq edə biləcəklər və bu əməkdaşlıq Azərbaycanın bir çox regionlarını əhatə edə bilər.