Azərbaycan, Bakı, 13 iyun /Trend, müxbir A.Axundov/
Azərbaycanın avtomobil yollarında ödənişli gediş yalnız bu yollara alternativ marşrutların mövcud olacağı təqdirdə tətbiq ediləcək. Trend-in məlumatına görə, bu barədə çərşənbə günü jurnalistlərə "Azəryolservis" ASC-nin sədri Cavid Qurbanov bildirib.
"Bu gün ölkədə gediş üçün ödənişin tətbiq edilə biləcəyi yollar mövcuddur. İlk növbədə, bunun üçün Bakıətrafı dairəvi yollardan istifadə etmək olar", - Qurbanov deyib.
Onun sözlərinə görə, ödənişli yollar məsələsi ilə bağlı yeni qanun hazırlanır.