Azərbaycan, Bakı, 7 iyul /Trend, müxbir Ə.Həsənov/
Azərbaycan regionlarından (Bakı istisna olmaqla) bank sisteminə cəlb edilən əhali əmanətləri 2012-ci il iyunun 1-nə olan vəziyyətə görə 3 969,8 milyon manat və ya bank əmanətlərinin ümumi həcminin 8,56 faizini təşkil edib. Trend-in məlumatına görə, bu barədə şənbə günü Mərkəzi Bankın (AMB) statistik hesabatında deyilir.
İyunun 1-nə olan məlumata görə, ölkə üzrə əmanətlərin ümumi həcmi 4 341,7 milyon manat təşkil edib. Burada milli valyutada əmanətlər 2315 milyon manat səviyyəsində olub, milli valyutada əmanətlərın payı isə 2 450,65 milyon manatdır.
Bakı üzrə bu göstərici 3 969,8 milyon manat təşkil edib. Burada milli valyutada əmanətlərın payı 2 169,7 milyon manatdır. Ölkə üzrə orta faiz tarifi hesabat dövründə 8,7 faiz təşkil edib. Bakı üzrə isə 8,9 faiz olub.
Abşeron iqtisadi rayonu üzrə əmanətlərin həcmi 114,56 milyon manat (orta tarif üzrə 9,4 faiz), Aran iqtisadi rayonu üzrə 62,25 milyon manat (4,9 faiz), Dağlıq Şirvan - 7,72 milyon manat (6,7 faiz), Gəncə-Qazax - 73,1 milyon manat (7 faiz), Quba-Xaçmaz - 26,78 milyon manat (6,9 faiz), Lənkəran - 30,45 milyon manat (6,2 faiz), Şəki-Zaqatala - 22,31 milyon manat (6,1 faiz), Dağlıq Qarabağ - 8,5 milyon manat (3,7 faiz), Kəlbəcər-Laçın - 2,49 milyon manat (4,6 faiz) və Naxçıvan iqtisadi rayonu üzrə 22,18 milyon manat (3,4 faiz) təşkil edib.
