Azərbaycan, Bakı, 13 iyul /Trend/
Azərbaycan bankı "AGBank" ASC və İslam İnkişaf Bankı Qrupunun özəl sektorda əsas qolu olan Özəl Sektorun İnkişafı üzrə İslam İnkişaf Korporasiyası (İİK) arasında 5 milyon ABŞ dolları məbləğində kredit müqaviləsi imzalanıb.
Bankdan cümə günü Trend-ə verilən məlumata görə, kreditin məqsədi Azərbaycanda əsaslı inkişafa səbəb ola biləcək kiçik və orta sahibkarların seçilmiş layihələrini maliyyələşdirməkdir.
Müqavilə İİK-nın icraçı direktoru və baş meneceri Xalid əl-Abudi və "AGBank" ASC-nin idarə heyətinin sədri Azər Mövsümov tərəfindən imzalanıb.