Azərbaycan, Bakı, 7 sentyabr /Trend/
Abşeronda 2360 litrdən çox sərinləşdirici içki məhv edilib.
İqtisadi İnkişaf Nazirliyinin mətbuat xidmətindən cümə günü Trend-ə verilən məlumata görə, istifadə üçün yarasız olan 2365 litr sərinləşdirici içkinin qanunvericiliyə müvafiq qaydada məhv edilməsi barədə Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən "DMC Kompani" MMC-yə icrası məcburi göstəriş verilib.
Göstərişin icrası ilə əlaqədar olaraq, istifadə üçün yararsız olan 2365 litr sərinləşdirici içki Dövlət Xidmətinin əməkdaşlarının iştirakı ilə qanunvericiliyə müvafiq qaydada məhv edilib.