Azərbaycan, Bakı, 5 dekabr /Trend, müxbir C.Nəsibova/
Özbəksitanın milli sərgi şirkəti "ZAR EXPO" Azərbaycan şirkətlərini gələn il mayın 14-16-da Daşkənd şəhərində keçiriləcək "FoodExpo Uzbekistan" 2-ci Beynəlxalq ərzaq məhsulları və "AqroExpo Uzbekistan" kənd təsərrüfatı texnikası sərgilərində iştiraka dəvət edir.
Trend Azərbaycanda İxracın və İnvestisiyaların Təşviqi Fonduna (AZPROMO) istinadən məlumat verir ki, təşkilatçılar tərəfindən Azərbaycandan olan iştirakçı şirkətlərə ekspozisiya sahəsinin ümumi dəyərinin 20 faizi həcmində endirim ediləcək.