Azərbaycan, Bakı, 5 iyun /Trend, müxbir A.Axundov/
Vergilər Nazirliyi müvafiq normativ sənədlər təsdiq edildikdən sonra vergi ödəyiciləri ilə tərəfdaşlıq sazişlərinin bağlanmasına başlayacaq. Bu barədə Trend-ə vergilər naziri Fazil Məmmədov deyib.
Nazir bildirib ki, artıq tərəfdaşlıq sazişlərinin tətbiqi üzrə işlərə başlanılıb, təsdiq edilməli olan müvafiq sənədlər hazırlanıb: "Bundan sonra risk meyarlarına müvafiq olaraq, tərəfdaşlıq sazişlərinin imzalanmasına başlayacağıq".
Tərəfdaşlıq sazişlərinin mənası ondan ibarətdir ki, vergi ödəyiciləri bütün öhdəliklərə riayət edəcəyi halda, nazirlik yeni vergi qanunvericiliyi çərçivəsində həmin vergi ödəyicisində yoxlamalar aparmayacaq.