Azərbaycan, Bakı, 13 mart /Trend, müxbur R.Hafizoğlu/
Martın 13-də Türkiyənin paytaxtı Ankarada metropolitenin yeni xətti istifadəyə verilib. Trend-in məlumatına görə, bu barədə cümə axşamı "TRT Haber" telekanalı xəbər yayıb.
"Kızılay-Çayyolu" metro xəttinin açılışında Baş nazir Rəcəb Tayyib Ərdoğan və digər rəsmi şəxslər iştirak ediblər.
Fevralın 13-də Ankarada metronun yeni "Batıkent-Sincan" xətti açılmışdı. Tikintisi 2012-ci ilin fevralından başlayan yeni xəttin uzunluğu 15,5 kilometr təşkil edir. Metronun yeni xəttinə 11 stansiya birləşdirilib.
Ankara metropoliteni 1996-cı ildə istismara verilib. Paytaxtın metro xəttinin ümumi uzunluğu 60,4 kilometrdir. Ankara metropoliteni 24 stansiyadan ibarətdir.