...

Azərbaycan bankı kredit portfelini təqribən 640 milyon dollara çatdırmaq niyyətindədir

Biznes və iqtisadiyyat xəbərləri Materials 8 May 2014 16:26 (UTC +04:00)

Trend-i buradan izləyin

Azərbaycan, Bakı, 8 may /Trend, müxbir E.Əliyev/

"Paşa Bank" cari ildə kredit portfelini 500 milyon manata çatdırmaq niyyətindədir. Bunu cümə axşamı Trend-ə bankın baş maliyyə adiministratoru Şahin Məmmədov deyib.

Onun sözlərinə görə, 2013-cü ildə bankın kredit portfeli 24 faiz artaraq 350,96 milyon manata çatıb: "Biz kapital bazarında güclü mövqedən uğurla istifa etdik və portfelin nəzərəçarpacaq artımını təmin etdik".

Ş.Məmmədov qeyd edib ki, ötən il bank portfelinin ehtiyatda saxlanılmasının səmərəli dərəcəsi 6,2 faiz təşkil edib.

Onun sözlərinə görə, ümumi kredit portfelində qeyri-işlək kreditlərin payı il ərzində 10,93 faizdən 15,24 faizədək artıb: "Bu göstərici bankın yerli normativ tələblərə müvafiq daxili metodologiyasına əsaslanıb. Problemli kreditlərin yarıdan çoxu iki korporativ müştərinin öhdəliklərini yerinə yetirməməsi ilə bağlıdır. Onlar da ilin sonunda krediti ödəyib. Buna baxmayaraq, bank mühafizəkar siyasət yürüdür və çatışmayan məbləğin ödənilməsindən dərhal sonra problemli kreditləri "qeyri-işlək"dən "işlək" statusuna keçirmir. Bank müəyyən müddət belə kreditləri nəzarət altında saxlamağa davam edir. Bankda digər problemli kredit üçün onun həcmini tam qarşılayan ehtiyat yaradılıb".

Məqalədə:
Xəbər lenti

Xəbər lenti