...

Gələn il Azərbaycanda ikinci biznes inkubator yaradılacaq

Biznes və iqtisadiyyat xəbərləri Materials 29 Oktyabr 2014 16:49 (UTC +04:00)

Trend-i buradan izləyin

Azərbaycan, Bakı, 29 oktyabr /Trend, müxbir Azad Həsənli/

2015-ci ildə Azərbaycanda ikinci biznes inkubatorun yaradılması planlaşdırılır. Bu barədə Trend-ə İqtisadiyyat və Sənaye Nazirliyi yanında Bakı Biznes Tədris Mərkəzinin direktoru Akif Fərruxov bildirib.

Əgər ilk biznes inkubator Quba-Xaçmaz iqtisadi rayonunda yaradılıbsa, ikincisi Aran iqtisadi rayonunda yaradılacaq.

Həmin inkubatorların iştirakçıları müxtəlif istiqamətlərdə - kənd təsərrüfatı (bitkiçilik, heyvandarlıq, kənd təsərrüfatı, ət və süd məhsullarının emalı), sənaye, turizm, xidmət sahəsində - ticarət, ictimai iaşə, məişət xidmətləri və s. üzrə biznes ideyalar təqdim etmək imkanına malik olacaqlar.

A.Fərruxovun qeyd etdiyi kimi, lakin Sumqayıt Kimya-Sənaye Parkında yaradılacaq növbəti biznes inkubator əsasən sənaye sektoru yönümlü olacaq: "Bu biznes inkubator Sumqayıt Kimya-Sənaye Parkının Peşə Təhsili Mərkəzində açılacaq. Onun tikintisi iki il ərzində başa çatacaq".

Birinci biznes inkubator Quba-Xaçmaz iqtisadi rayonunda 2014-cü il sentyabrın 10-da açılıb. Hazırda biznes inkubator öz fəaliyyətinin ilkin mərhələsindədir.

A.Fərruxovun sözlərinə görə, birinci mərhələ bu il dekabrın 10-na kimi başa çatacaq, ikinci mərhələ isə 2015-ci ilin yanvarında başlayacaq.

Bakı Biznes Tədris Mərkəzinin direktoru qeyd edib ki, ikinci mərhələ çərçivəsində Biznes İnkubatorların Məzunlarının Assosiasiyasının yaradılması nəzərdə tutulub ki, bu da gənc sahibkarları gələcək fəaliyyətlərində dəstəkləməyə imkan verəcək.

Məqalədə:
Xəbər lenti

Xəbər lenti