Azərbaycan, Bakı, 28 fevral /Trend, müxbir Azad Həsənli/
Bakıda təmir işləri ilə əlaqədar olaraq fevralın 28-i saat 09:00-dan etibarən Heydər Əliyev prospektinin köməkçi yolundan mərkəz istiqamətində "Bağırov körpüsü"nün altındakı tunelə giriş bağlanacaq.
Nəqliyyat Nazirliyi "Azəryolservis" ASC-nin mətbuat katibi Pünhan Mürsəliyev Trend-ə bildirib ki, təmir işləri Avropa Oyunları öncəsi yolun saz vəziyyətə gətirilməsi bağlıdır.
Onun sözlərinə görə, təmir işləri martın 1-i günün ikinci yarısınadək başa çatacaq.