Bakı. Azad Həsənli - Trend:
Unibank-ın Müşahidə Şurasının sədri Eldar Qəribov bankın nizamnamə kapitalında öz payını 54,78 faizdən 56,91 faizə qədər artırıb.
Trend-in bankın saytındakı məlumata istinadən verdiyi məlumata görə, Unibank-ın səhm kapitalı növbəti şəkildə paylanıb: Eldar Qəribov - 56,91 faiz, Zemfira Cəfərova - 4,41 faiz, minoritar səhmdarlar - 2,1457 faiz, Avropa Yenidənqurma və İnkişaf Bankı - 12,15 faiz, DEG Almaniya İnvestisiya Korporasiyası - 6,68 faiz.
Unibank ASC 2002-ci il oktyabrın 15-də Azərbaycanın iki bankının - MBANK və PROMTEXBANK-ın birləşməsi nəticəsində yaranıb.