Bakı. Ənvər Məmmədov - Trend:
Azərbaycanın vergi sistemində şəffaflıq təmin olunacaq.
Trend-in məlumatına görə, bunu "Vergilər. Şəffaflıq. İnkişaf" adlı konfransda vergilər naziri Mikayıl Cabbarov deyib.
Nazir qeyd edib ki, bu sahədə artıq geniş miqyaslı iş aparılır:
“Artıq biz vergi orqanlarında strukturun və idarəetmə prinsiplərinin yenidən təşkilinə başlamışıq. Hazırda qarşıda duran vəzifələrə cavab verə biləcək yeni, dinamik və müasir idarəetmə prinsiplərinə söykənən vergi administrasiyasının formalaşdırılmasına başlanıb”.