...

AYİB İLƏ YENİ KREDİT SAZİŞİ HAZIRLANIB

Biznes və iqtisadiyyat xəbərləri Materials 25 İyun 2005 12:10 (UTC +04:00)

Avropa Yenidənqurma və İnkişaf Bankı Azərbaycanın Rusiya ilə sərhədində Sumqayıtdan Zarat qəsəbəsinədək uzanan 60 km-lik yolun müasirləşdirilməsi və yenidənqurulması layihəsinin təsdiqləmə prosesini başa çatdırır.

Hökumət orqanlarından Trend ə verilən məlumata əsasən, hazırda AYİB ilə artıq müvafiq kredit sazişi hazırlanıb və Azərbaycan prezidentinə təqdim olunmaq üzrədir.

Ehtimallara görə, iyulun əvvəlində AYİB ekspertləri Bakıya gələcək. Səfər zamanı müvafiq sazişin imzalanması istisna deyil.

Avropa bankının Direktorlar Şurası $110 mln dəyərində olan layihəyə $100 mln vəsaitin ayrılması məsələsinə baxmağı planlaşdırır.

Bu vəsaiti, ehtimallara görə, AR Nəqliyyat Nazirliyinin Yol-nəqliyyat xidmətləri departamenti alacaq. Layihə çərçivəsində departamentin 4-6 regional şöbəsi yaradılacaq və xidmətlər haqqında sazişlər imzalanacaq ki, bu da yerli potensialın yol işlərinə cəlb edilməsinə imkan verəcək. Belə müqavilələr üzərində nəzarəti Yol məsləhətləşmələri üzrə Şura həyata keçirəcək.

Xəbər lenti

Xəbər lenti