19619 layihəsinin Rusiyanın "Krasnoe Sormovo" zavodunda quraşdırılan üçüncü tankeri -"Şah İsmayıl Xətai" sentyabrın sonunda Bakıda olacaq.Bu barədə Trend agentliyinə Azərbaycan Dövlət Xəzər dəniz gəmiçiliyi idarəsinin (KASPAR) mətbuat katibi Vüqar Mirsadıq bildirib.
Onun sözlərinə görə, hazırda gəminin yan alması və hərəkəti üçün sınaqlar keçirilir.Gəmi iyulun 3-də suya buraxılıb. Tanker Azərbaycan tərəfinə öncədən razılaşdırılmış müddətə əsasən veriləcək.
Belə üçüncü tankerin əldə edilməsi gəmiçiliyə yükdaşımalarının həcmini xeyli artırmağa imkan verəcək.
Gəmi ilə eyni vaxtda bir reyslə bir neçə növ neft məhsulunun daşınması imkanı nəzərdə tutulub.Gəminin uzunluğu 152 m, eni - 17,3 m, göyərtənin hündürlüyü - 10,5 metrdir. Onun yükgötürmə qabiliyyəti 13,8 min ton təşkil edir. Tankerin dəyəri - $13,5 mln.-dur.
19619 layihəsinin birinci gəmisi - "Prezident Heydər Əliyev" - 2004-cü ilin noyabrında, ikinci - "Babək" isə dekabrda istismara verilib. Hər iki gəmi TRACECA marşrutu ilə hərəkət edir.
