Fransanın kənd təsərrüfatı palatasının Luara vadisi departamentinin nümayəndə heyəti avqustun 30-dan sentyabrın 6-dək Azərbaycanda işgüzar səfərdə olub.
Fransanın Azərbaycandakı səfirliyində Trend ə bildirilib ki, səfər Azərbaycanın kənd təsərrüfatı nazirliyi və Fransa səfirliyi arasındakı əməkdaşlığa dair razılaşma çərçivəsində həyata keçirilir.
Səfərin gedişində fransalı mütəxəssislər Azərbaycanın Quba rayonunda kənd təsərrüfatı elmi mərkəzində və rayonun bağçılıq təsərrüfatlarında olub.Missiya çərçivəsində elmi mərkəzin laboratoriyasının fəaliyyətinin gücləndirilməsinə yardım göstərəcək xüsusi kənd təsərrüfatı avadanlığının quraşdırılması aparılıb.
Əməkdaşlıq avadanlıqla işləmək üçün mütəxəssislərin hazırlanması və genetik konservatoriyanın yaradılması ilə davam etdiriləcək.Azərbaycan tərəfi həmçinin taxılın yeni növlərinin sınaqdaq çıxarılması sahəsində əməkdaşlıq barədə niyyətini bildirib.
