Azərbaycan hökuməti 2005-ci ildə Ələt-Astara avtomobil yolunun layihəsi üzrə kreditləşdirmə sazişi imzalanmasını planlaşdırır.
Hökumətdə Trend ə bildirilib ki, sazişin Avropa Yenidənqurma və İnkişaf Bankı (AYİB) (Dünya bankı qrupu) və Asiya İnkişaf Bankı (AİB) ilə imzalanması planlaşdırılır.
Alınmanın həcmi Dünya bankından $300 mln. və AİB-dən $100 mln. səviyyəsində planlaşdırılıb.
"Dünya bankı kreditinin tam və ya qismən istifadəsinə dair məsələ kredit sazişi layihəsinin razılışdırılması zamanı həll ediləcək, belə ki, həmin layihənin gerçəkləşdirilməsi çərçivsəində həmçinin İran hökumətinin $40 mln.həcmində vəsaitindən istifadə də nəzərdə tutulub.Başlıcası isə odur ki, artıq paket formalaşdırılıb.Donorlar tərəfindən hazırlanan bütün sənədləri maraqlı olan nazirliklərə və idarələrə göndərmişik. Bu sənədlər üzrə rəylər oktyabrın 24-dən gec olmayaraq banka təqdim edilməlidir.Beləliklə, həmin layihə üzrə ciddi ləngimələr demək olar ki, yoxdur" -deyə hökumətdə bildirilib.
Layihə üzrə Bakı-Astara avtomobil yolunun uzunluğu 243 km. Təşkil edəcək ki, bu da Bakı ilə Astara arasında olan yolu 70 km. Azaltmağa imkan verəcək.Yolun eni 28,2 m. təşkil edir.
Azərbaycanın yollarının ümumi uzunluğu 24 min km. təşkil edir ki, bunun 6 min km. magistral, 18 min km. isə yerli yolların payına düşür.Azərbaycanın yalnız magistral avtomobil yollarının yenidən qurulması və çəkilməsinə $2 mlrd. tələb olunur.
